Daar is één produk wat verskeie velprobleme, soos aknee, ’n vaal gelaat, donker vlekke, droogheid, fyn lyntjies en olierigheid, dramaties kan verbeter: ’n gesigmasker.
Hoewel dié staatmaker al jare lank deel van baie van ons se skoonheidsroetine is, maak die unieke aktiewe bestanddele en interessante tegnologie wat deesdae in maskers ingespan word, superprodukte daarvan.
Dit is dus geen verrassing dat gesigmaskers die afgelope jaar die velsorgproduk is wat die meeste gegoogle is in Amerika, Japan en Frankryk nie.
FOTO Instagram / @lorealskin
’n Onlangse verslag oor skoonheidstendense deur dié soekenjin, Beauty Trends 2017, wys dat verbruikers veral belangstel in maskers wat aknee takel, soos houtskool- en kleimaskers. Maskers in die vorm van ’n gesiglappie (sheet masks) is ook gewild. Die opkoms van maskers word gedeeltelik toegeskryf aan skoonheidsbloggers en -skrywers wat gereeld prettige foto’s van hulself met ’n interessante masker op hul gesig op sosialemediaplatforms soos Instagram deel.
Ander trends wat deur Google geïdentifiseer is, sluit in veganistiese skoonheidsprodukte, soniese gesigreinigingsborsels, en produkte wat van badtyd ’n bederf-ervaring maak, soos om Engelse sout, appelasyn of gegeurde bruisballe (bath bombs) by jou badwater te gooi.
Probeer een van dié maskers:
L'Oréal Paris Pure Clay Detox Mask (R150)
Glamglow Flashmud Brightening Treatment (R850)
QMS Medicosmetics Relax-O-Firm Mask (R1 060). By uitsoeksalonne en -spa's
Skin Republic Brightening Eye Mask (R53 vir 3 aanwendings). By Dis-Chem, Edgars en Red Square
Dior Capture Totale DreamSkin 1-Minute Mask (R1 125). By uitsoektakke van Edgars en Red Square
Lees Nou
Grimering in Hollywood nou “onderstebo”
The post Dís die skoonheidsproduk wat die meeste gegoogle word. Kan jy raai wat dit is? appeared first on SARIE.