Haarstrikke in verskillende groottes was een van die gewildste tendense by die internasionale modeweke in Februarie vanjaar. Ook op die rooi tapyt het aktrises soos Sienna Miller en Riley Keough met ’n swart strik in die hare gespog. Ons is mal oor dié trend: Dis die perfekte min-moeite-haarbykomstigheid vir die kouer maande en lyk supersjiek. En al wat jy nodig het, is ’n lint!
Met ’n strik kan jy die eenvoudigste styl ’n tikkie elegansie gee. ’n Lae ponie lyk veral fantasties met ’n strik van satyn- of fluweellint. En wie sê dit is net vir die jonges? Selfs by vroue bo 40 kan ’n groot haarstrik stylvol en sjiek lyk. Stileer bloot jou hare in jou gunsteling-styl en voeg ’n klein of bonkige strik by.
Moenie bekommerd wees as jou haarstrik nie perfek is nie. Dit voeg by tot die styl as die strik effens deurmekaar, pap of oneweredig hang, het die bekende Britse haarstileerder Guido Palau agter die skerms tydens die Amerikaanse modeontwerper Tory Burch se modevertoning in New York aan Elleuk.com gesê.
Bonkige haarstrikke by die modevertoning van die modehuis Marchesa
Fyner haarstrikke by die ontwerper Emilia Wickstead se vertoning
Kyk net na dié bekendes wat ons inspireer met hul haarstrikke:
Nicole Kidman
Riley Keough
Sienna Miller
Gwyneth Paltrow
Wat dink jy?
Nóg inspirasie: Kyk net hoe mooi lyk dié haarstrikke
Bronne: www.vogue.com, www.elleuk.com
Lees nou
Bekende verklap hoe sy op 48 mooi bly
Stap vir stap: Grimeer soos prinses Diana
The post Nuwe mode: Dra ’n strik in jou hare! appeared first on SARIE.