Pigmentasie is een van Suid-Afrikaanse vroue se grootste velbekommernisse. Ja, dis lankal nie net meer lyntjies en plooie wat jou ouer laat lyk nie. Kenners meen ’n onegalige velkleur kan tot tien jaar by jou ouderdom voeg! Gelukkig is daar verskeie slim-produkte waarmee jy donker vlekke kan behandel.

Dié bruin oneweredige vlekke is die gevolg van klein tentakelagtige selle (melanosiete) aan die onderkant van jou vel se epidermis, wat ’n donker pigment, melanien, afskei. Soms, weens verskillende faktore, word hierdie selle oorstimuleer en vervaardig dit meer melanien as normaalweg. Soos wat die pigment na jou vel oppervlak beweeg, word donker vlekke sigbaar.

3 WAYS TO SUPERCHARGE YOUR SKIN We are all looking for a soft, supple, healthy and most of all radiant skin, but where do we start? Here are 3 simple guidelines to help you achieve a radiant and healthy skin, for years to come https://www.facebook.com/SkinRenewalSA/posts/1763583280334625:0 #SkinRenewalSA #ClickedOnSkin #ProActiveCollagen #skin #beauty #aesthetics #medicalaesthetics #cosmeceuticals #retinol #vitaminc #ageing #antiageing source: PreventionMagazine #aesthetics #medicalaesthetics #skin #skincare #beauty #beautytips #cosmeceuticals

A post shared by Skin Renewal (@skinrenewalsa) on Jan 12, 2017 at 5:31am PST

Dit is een van die moeiliker velprobleme om te takel. Maar met die regte kombinasie van velsorgprodukte en behandelings kan jy ’n helderder en jonger vel bereik.

1. Sonskerm is ’n móét.

Die goue reël om verdere donker vlekkies en pigmentasie te voorkom is om daagliks ’n goeie sonskerm met ’n SBF van minstens 30, winter en somer, te gebruik. Maak ook seker jou sonskerm beskerm jou vel teen UVA- én UVB-strale.

Het jy geweet?

Melanien werk soos ’n natuurlike sonskerm vir jou vel. Wanneer die son jou vel gereeld brand, word meer van die pigment afgeskei en dít veroorsaak donker vlekke. Die vlekke absorbeer UV-lig sodat dit nie die selle in die dieper deel van jou vel beskadig nie.

2. Maak ’n velsorgproduk wat vitamien C bevat deel van jou velsorgroetine.

Vitamien C is ’n kragtige antioksidant wat help om donker vlekke te vervaag. Dit maak ook jou vel meer bestand teen sonblootstelling. Wend ’n vitamien C produk soggens aan vóór jou vogroom en sonskerm.

#Regram @nadiajaftha “At first, I thought it was orange juice because it’s called #FreshPressed but how cool is it that you can literally mix Vitamin C with your daily moisturizer? Thanks @cliniquesa!” #Clinique #CliniqueSA #skincare

A post shared by Clinique South Africa (@cliniquesa) on Apr 6, 2017 at 2:55am PDT

3. Belê in ’n afskilferingsproduk.

Soos jou vel nuwe selle vorm, beweeg dooie selle na die oppervlak. Hoewel jou vel natuurlik van hierdie selle ontslae raak, word dié proses al hoe traer soos ons ouer word. Deur gereeld af te skilfer raak jy van die dooie selle ontslae en dit help om hiperpigmentasie en donker vlekke oor tyd ligter te maak.

4. Kyk uit vir produkte met die woorde brightening of lightening op die verpakking.

Buiten vitamien C is daar ’n magdom ander bestanddele wat jou vel verhelder en meer egalig laat lyk deur die voorkoms van donker vlekke en pigmentasie te verbeter. Kyk uit vir bestanddele soos vitamien B3 (ook bekend as niasienamied), vitamien A (retinol), melksuur en liquorice-ekstrak.

Minki van der Westhuizen het al vertel dat pigmentasie ook een van haar grootste velsorgkwessies is. Lees hiér meer. 

By @minkivanderwesthuizen: “15 days post #dualfraxellaser and back in front of the camera. #boersoeknvrou #episode2 #bts @kyknettv @skinrenewalstellenbosch The texture of my skin feels incredible. It was painful but definitely worth it! . . . #loveyourskin #growingoldgracefully #nosurgery #skin #laser #pigmentation #fraxeldual #aesthetic #aesthetics #celebbeauty #medicalaesthetics #skinrenewalsa #skinbodyrenewal #renewalinstitute

A post shared by Skin Renewal (@skinrenewalsa) on May 31, 2017 at 7:40am PDT

5. Verbloem met ’n CC-produk.

Jy het seker al van Colour Correcting (CC) produkte gehoor. Basislae en verbloemers wat geel gekleur is help om enige ligte bruin, pers of blou dele op jou vel te neutraliseer en werk perfek as jy ’n ligte gelaat met donker vlekke het.

Probeer dié top-produkte:

• 1
• 2
• 3
• 4
• 5

« »

Cetaphil Daylong Daylong SPF 50+ Liposomal Lotion Face and Body (R265)

Die veerligte sonskerm-formule is ook waterbestand en hou heeldag

Clinique Fresh Pressed Daily Booster with Pure Vitamin C 10% (R855)

Meng daagliks ’n spuitjie van die unieke Vitamien C-konsentrasie by jou vogroom vir ’n gesonde gelaat.

NeoStrata Smooth Surface Daily Peel (R815 vir 36 lappies en die vloeistof met glikoliese suur)

Die gesiglappies wat jy tuis gebruik, werk op dieselfde beginsel as ’n diep-afskilferingsbehandeling by ’n salon (peel), maar meer oppervlakkig. Dit word deurdrenk met ’n vloeistof wat net die boonste lae van jou vel afskilfer vir ’n gladder, helderder gelaat. Jy kan dit aanvanklik so 3 keer ’n week gebruik. By uitsoeksalonne

Eau Thermale Avène D-Pigment Light Dark Spot Lightener (R360)

Gebruik die produk as jy ’n sensitiewe vel het wat maklik geïrriteerd raak. By Clicks

Max Factor Colour Corrector Stick The Balancer in Medium (R230)

Dié potlood-verbloemer is perfek om in jou handsak te dra vir noodgevalle. By Clicks

Lees nou

Kate Middleton sny haar lokke!

5 moeitelose haarstyle sonder hitte

The post Gebruik dié produkte vir pigmentasie en donker vlekke appeared first on SARIE.