Kikker jou dag op met ’n splinternuwe manikuur. Maar vergeet van verlede seisoen se helder kleure soos neonpienk, oranje, ligblou, groen en geel!

Subtiele, neutrale skakerings vir jou naels is nou ’n groot tendens. Ons is mal oor hoe stylvol en sjiek dit jou laat lyk. En met die regte skakering vir jou velkleur kan dit jou hande gesond en glansryk laat lyk. Boonop kry jy nou vele naelprodukte wat alles van bros en droë naels tot groefies en wit kolletjies behandel terwyl dit sommer ook ’n tikkie kleur gee.

Kies só die beste neutrale kleur vir jou naels

Op die internasionale loopplanke is sagte, deursigtige skakerings vir die lente gewild. Probeer skakerings van ligpienk, perske, wit, beige en sandkleur. Vir bietjie meer glans kan jy blink skakerings in silwer, goud of brons kies.

As jy ’n ligte gelaat het …

… kies perske, beige of deursigtige ligpienk skakerings. Vermy té donker neutrale skakerings.

Ster-inspirasie: Mandy Moore

Dié Hollywood-ster het by Sondag se Emmy-toekennings ’n pragtige, bekostigbare naellak gedra. En jy kan dit ook dra! Sy het Essie se Muchi Muchi op haar naels geverf. Hoe mooi lyk dit nie?

My #Emmy’s look wouldn’t be complete without an @essiepolish mani. Loving the simple, vintage-inspired half-moon design using @essiepolish muchi muchi and ballet slippers #essielove #essiepartner

A post shared by Mandy Moore (@mandymooremm) on Sep 17, 2017 at 4:04pm PDT

As jy ’n sonbruin gelaat het …

… kies ’n sagte pienk of subtiele metaalskakering in goud of brons. Vermy silwer skakerings.

Ster-inspirasie: Olivia Munn

subtle sparkle #nailart by the best of the best @nailsbyemikudo with rings from one of my favorite jewelry designers @anitakojewelry

A post shared by Olivia Munn (@oliviamunn) on Mar 26, 2016 at 4:13pm PDT

As jy ’n medium gelaat het …

… kies vuilpienk, pastelpers of metaalskakerings. Vermy vaal kleure.

Ster-inspirasie: Rashida Jones

literally

A post shared by Rashida Jones (@rashidajones) on Mar 9, 2017 at 12:36pm PST

As jy ’n donker gelaat het …

… kies vuilpienk, ligbruin, wit of perske skakerings.

Ster-inspirasie: Rihanna

Part 2 @badgalriri …. killin it …. thanks @redcarpetmanicure for this beautiful color !!!! Gorgeous ….. oxoxoxoox #kimmiekyeesnails

A post shared by Kimmie Kyees (@kimmiekyees) on Aug 28, 2016 at 7:05pm PDT

Wenk: Ligte of neutrale skakerings werk perfek as jy kort of klein naels het. Donkerder skakerings sal jou naels nog kleiner laat lyk.

Het jy geweet?

Die Franse manikuur het glo nie sy oorsprong in Frankryk nie, maar in Hollywood! Ene Jeff Pink, skepper van die naelsorgreeks Orly, het glo dié voorkoms – waar die naelpunte wit geverf en die res van die nael met ’n byna deursigtige neutrale of pienk skakering afgerond word – in die 70’s vir Hollywood-aktrises geskep. Hy’t besluit om dit die “Franse manikuur” te noem nadat dit ’n treffer op die Paryse modeloopplanke was, het die internasionale mode-joernaal Women’s Wear Daily in 2013 berig.