Ons is mal daaroor om nuwe skoonheidstrends te ontdek – veral dié wat almal kan dra en wat onmiddellik jou voorkoms omtower. Een so ’n grimeertendens sien ons nou oral op die rooi tapyt … Dis tyd om te skitter met goud op jou oë!
Goue ooggrimering helder jou oë op en weerkaats op só ’n manier dat dit jou onmiddellik stralend, glansryk en selfs jonger laat lyk. Speel met verskillende variasies van die kleur, soos brons-, koper- of roosgoud. Kombineer jou goue oë met ’n stralende gelaat en ’n sagte nude of pienk lipglans vir ’n feestelike voorkoms.
Skep só ’n basiese voorkoms met goud:
(Hou jou muispunt oor die kolletjies om uit te vind hoe om dié grimeervoorkoms te kry.)
FOTO: Instagram (@esteelauder)
Dié bekendes se vergulde oë inspireer ons
Emma Roberts
Wend ’n subtiele lyntjie goud ook onder jou oë aan sodat dit dadelik die aandag trek.
Kim Kardashian
Die werklikheidster het koper op haar oogbanke en goud op haar ooglede gebruik. Die goud in die binnehoeke van haar oë laat dit dadelik groter lyk.
Margot Robbie
’n Fyn goue lyntjie teenaan jou boonste wimperlyn is subtiel en sexy. Jy kan selfs ’n klein bietjie goue oogskadu oor jou wenkbroue vee vir ekstra glans.
Cara Delevingne
Skep ’n smeulende rokerige voorkoms vir jou oë deur ’n donkerder goue skakering oor jou hele oog te gebruik.
Lucy Hale
Roosgoue skakerings met ’n pienk of rooi ondertoon lyk veral mooi by groen oë.
Probeer dié produkte
Bourjois Little Round Pot Intense Eyeshadow in 01 (R126)
Estée Lauder Pure Color Envy Defining Eye Shadow in Brash Bronze (R385)
Maybelline Diamond Glow Eye Studio in Coffee Drama (R140)
Bobbi Brown Long-wear Cream Shadow Stick in Golden Pink (R460)
Urban Decay 24/7 Glide-On Eye Pencil in Goldmine (R215)
Bronne: www.refinery29.com
Lees nou
Velskade: Son en besoedeling dalk ewe erg
4 slim maniere om jou parfuum te rek
The post Mooiste goue oë: Kry dit só stap vir stap appeared first on SARIE.