Ons gunsteling-supermodel en realiteitster Kendall Jenner het die afgelope naweek die internet aan die gons nadat sy ’n foto op Snapchat gedeel het waar sy met ’n baie korter haarsnit pronk. Is dit net ’n pruik? Of het sy (ook) haar kenmerkende lang hare vir ’n skouerlengte bob verruil?
Een ding weet ons wel: Die lang bob (of lob) is tans dié haarstyl onder internasionale en plaaslike bekendes … en dit lyk asof die jaar(e) van die lob nog lank nie verby is nie. Sedert die begin van die jaar het bekendes soos Khloé Kardashian, Victoria Beckham, Adele, Jennifer Lawrence en Leandie du Randt – om net ’n paar te noem – ook met die styl gespog.
Ons kan sien waarom so baie celebs van dié haarstyl hou: dit pas byna almal – ook by my en jou!
Die lang bob val net bo jou skouers en is daarom effens langer as ’n gewone bob, vandaar die naam. Die snit pas by enige gesigvorm én ouderdom en is baie veelsydig. Jy kan dit lank en reguit dra of selfs golwe in jou hare sit vir ’n strand-voorkoms! ’n Lob is ook die perfekte snit as jy ’n haarstyl wat maklik stileer verkies, maar steeds genoeg volume in jou hare wil skep. Probeer dan ’n lang bob wat in lae gesny is, met of sonder ’n kuif. Laat sny jou langer bob elke ses tot agt weke om die snit mooi te onderhou.
Visssssies!!! #SeaGypsy …Ag ek love mosselbaaaaaaaai twice in one week yeah!!! #NoOneCanBeatYouAtBeingYou sien julle vanaand Hartenbos A photo posted by Leandie du Randt (@leandiedurandt) on
Kry die voorkoms só: Skep die voorkoms deur jou hare rofweg te golf met ’n stileeryster of krultang. Krap dan jou hare liggies met jou vingers deurmekaar en spuit ’n haarsproei aan wat spesiaal geformuleer is om volume en tekstuur aan jou hare te gee.
Bekendes met ’n lob-haarsnit:
Victoria Beckham
Het jy geweet?
Golwende haarstyle met ’n strandtekstuur laat vroue bo 40 dadelik gemaklik en meer jeugdig lyk. Laat jou haarstileerder jou hare in langer golwende lagies tot net bo jou skouers sny.
Adele
Jennifer Lawrence
Amy Poehler
Het jy geweet?
As jy natuurlik baie reguit hare het, is ’n lob met effens stompgesnyde punte in die kol. Steek jou hare agter jou ore in om die styl effens asimmetries te laat lyk en jou voorkoms ’n moderne kinkel te gee.
Khloé Kardashian
Jenna Dewan-Tatum
Jessica Chastain
Bronne: www.refinery29.com, www.allure.com, www.totalbeauty.com
Lees nou
Oscar Pistorius: Nuwe vonnisverrigtinge
Kies só vir hom ’n geur dié Vadersdag
Drink dié drankies vir die mooiste vel!
The post Die één haarstyl wat by álmal pas appeared first on SARIE.