Die SARIE-skoonheidspan het ’n nuwe haarkleur-obsessie: Karamel-hare! Hoewel dié warm, goudbruin skakering nie noodwendig nuut is nie (sanger Jennifer Lopez en aktrise Sofía Vergara is veral lief daarvoor om dié haarkleur te dra), sien ons deesdae al hoe meer bekendes wat met die skakering in hul hare spog. Die rede? ’n Karamelskakering in jou hare pas letterlik by alle vel- en haarkleure en laat jou boonop jare jonger lyk.
Sofía met háár karamelkleur ligstrepies.
’n Karamel haarkleur kan jy as een skakering in jou hare dra óf as ligstrepies saam met swart, bruin of blonde hare. Dit komplementeer alle gelaatskleure en skep boonop ’n natuurlike multi-dimensionele voorkoms wat jou jonger kan laat lyk, omdat dit herinner aan die goue sonstrepies waarmee jong kinders ná ’n seevakansie pronk.
Karamel-hare is boonop ekonomies. Die kleur is maklik om te onderhou en wanneer dit uitgroei, sien jy dit nie so duidelik nie.
Daar is ’n magdom maniere waarop jy dié mooi kleur in jou hare kan dra. Die volgende bekendes se karamel-hare inspireer ons.
Bekendes met ’n ligter velkleur:
Dakota Johnson
Die aktrise se subtiele karamelkleur ligstrepies gee haar donkerbruin hare natuurlike dimensie.
Mandy Moore
Ons is mal oor die aktrise se subtiele ombré-voorkoms in karamel.
Aubrey Plaza
Die aktrise se moeitelose karamel-hare laat ons terugverlang na warm somerdae.
Blake Lively
Danksy karamelkleur ligstrepies het die aktrise se blonde hare ’n gemaklike strand-voorkoms.
Bekendes met ’n donkerder velkleur:
Jennifer Lopez
Die aktrise en sanger se karamelkleur hare is kenmerkend van haar voorkoms.
Jessica Alba
Ons is mal oor die aktrise se donker haarwortels wat geleidelik ligter word tot ’n karamelkleur op die punte.
Shay Mitchell
Die Pretty Little Liars-aktrise wys dat selfs swart hare mooi lyk met karamelkleur ligstrepe.
Hailey Baldwin
Karamelkleur ligstrepe in die model-dogter van akteur Stephen Baldwin se hare gee haar blonde hare ’n sexy, ingeleefde voorkoms.
Bronne: www.elle.com, www.schwarzkopf.com
Lees nou
Só lyk die naelkleur wat koningin Elizabeth al byna 30 jaar dra
The post Nuwe haarkleur-trend: Karamel-hare appeared first on SARIE.