Dis ’n groot maand vir die aktrise Elle Fanning! Buiten dat sy binnekort op haar heel eerste Amerikaanse Vogue-voorblad pronk, is sy hierdie week aangewys as die nuwe gesig vir die skoonheidshuis L’Oréal Paris.
Sy het die mooiste foto op Instagram gedeel om dié nuus aan te kondig.
Die 19-jarige Maleficent-aktrise is van die jongste gesigte wat by die skoonheidshuis se sterbelaaide groep ambassadeurs aansluit. Ander gesigte sluit in Blake Lively, Naomi Watts, Julianne Moore en Karlie Kloss, om net ’n paar te noem.
“Jy’s nog besig om agter te kom wat jou styl is en watter tipe vrou jy wil wees,” het sy oor haar ouderdom en nuwe rol aan die webtuiste Women’s Wear Daily gesê. “Dis ’n belangrike deel van grootword. Om deel te wees van dié proses van jong meisies is waarna ek die meeste uitsien.”
Sy is tans by die glansryke Cannes-filmfees in Frankryk waar sy in twee nuwe flieks te sien is. Sy het op die eerste dag van die fees met die mooiste helderpienk lippe en treffende katoog-voorkoms op die rooi tapyt verskyn.
Kry self die voorkoms deur ’n perske-pienk blos op jou wange én liggies op jou ooglede te skakeer. Vir die katoog-“vlerkie”, trek ’n lyntjie op jou boonste wimperlyn tot by die buitehoek van jou oog. Kyk vir jouself in die spieël en maak ’n kolletjie waar jy wil hê die “vlerkie” moet eindig. Trek dan die oogomlyner vanaf die buitehoek van jou oog tot by die kolletjie.
Elle op haar eerste Amerikaanse Vogue-voorblad.
Kyk ook na dié oulike video van Elle wat ter viering van haar eerste Vogue-voorblad geskiet is.
Bronne: www.elle.com, www.wwd.com
Lees nou
Clare Wiese-Wentzel deel haar top-skoonheidsbehandelings
Kan dié warm drankie help vir ’n probleemvel?
The post Aktrise Elle Fanning se nuwe rol + kyk haar mooiste grimeervoorkoms appeared first on SARIE.