’n Gesonde vel tydens die koue wintermaande hoef nie ’n fortuin te kos nie. En weens die droër lug, verwarmers en kaggels voel jou vel in dié tyd droër en stywer, met fyn lyntjies en plooie skielik baie meer sigbaar. Hiér is vyf slim produkoplossings om jou droë wintervel te help, en nie een kos meer as R200 nie!

Het jy geweet?

Voel jou vel tydens die wintermaande meer olierig as droog? Te min vog in die lug en die gebruik van sterk reinigers kan jou vel van sy natuurlike olie stroop. Jou vel kompenseer dan deur al hoe meer olie te vervaardig. Dít kan lei tot ’n oorproduksie van olie en porieë wat makliker verstop raak. Ekstra bevogtiging kan dus ook ’n olierige vel red.

Red jou droë vel met dié produkte:

• 1
• 2
• 3
• 4
• 5
• 6
• 7
• 8
• 9
• 10

« »

’n Reinigingsolie versterk jou vel se lipiedlaag – die laag wat vog in jou vel in seël. Dit werk sagkens op jou vel sonder om dit van sy natuurlike olie te stroop. Dit help om die sebum in verstopte porieë op te los en verwyder grimering doeltreffend – veral onderlaag – omdat dit gewoonlik ook ’n oliebasis het.

Reinigingsolie

Probeer Garnier SkinActive Micellar Oil-Infused Cleansing Water (R85)

Gesigmaskers in die vorm van ’n gesiglappie (sheet mask) wat jy tuis kan aanwend, is nou supergewild. Dit bevogtig jou vel intens en sorg vir ’n gesonde gelaat wat stralend en gesond lyk. Wend dit ná reiniging, vir sowat 20 minute aan. Bederf jou vel twee tot drie keer ’n week met so ’n gesigmasker.

Gesiglappie-masker

Probeer Sorbet Cleansing Face Mask Spot & Oil Control (R55). By Clicks

’n Essens het ’n waterige tekstuur en is hoofsaaklik ontwikkel om jou vel te hidreer. Omdat die formule superlig is, absorbeer dit dieper in jou vel as bv. ’n vogroom. Dis perfek om jou vel ’n ekstra vog-inspuiting te gee – iets wat ons almal broodnodig het in die moderne lewe, want besoedeling, lugversorging, hitte en droë lug is almal sondaars wat jou vel van vog stroop.

Essens

Probeer The Body Shop Drops of Light Pure Translucency Essence Lotion (R180)

Serum-onderlae bied nie net sysagte bedekking nie, maar bevat ook ’n mengsel van aktiewe bestanddele wat jou vel bevog en plomp en stralend laat lyk, sonder dat dit swaar op jou vel voel. As jy ’n olierige vel het, wees op die uitkyk vir ’n olievrye formule wat steeds hidrerend is.

Serum-onderlaag

Probeer L’Oréal Paris Nutri Lift Gold Anti-Ageing Serum Foundation (R120)

’n Koekieseep is dikwels nie bevogtigend of sag genoeg op jou vel nie en kan lei tot ’n sensitiewe, geïrriteerde vel. Gelukkig is daar verskeie lyfwasse om van te kies wat spesiaal geformuleer is om ook jou vel te bevog.

Lyfwas

Probeer Dove Deeply Nourishing Moisturising Body Wash (R43)

Sometimes, a quote, mantra, or bit of wisdom from a loved one can inspire confidence. Do you have a go-to phrase or piece of advice about building self-esteem? Share it in the comments below!

A post shared by Dove Global Channel (@dove) on Dec 30, 2015 at 10:24am PST

Lees nou

Aktrise Elle Fanning se nuwe rol + kyk haar mooi grimering

Clare Wiese-Wentzel deel haar top-skoonheidsbehandelings

The post Gebruik dié produkte vir ’n ongemaklike wintervel appeared first on SARIE.